The Great Epic of the Bhārata dynasty 5.33.100

Bhāratabhāvadīpa 5.33.100

Language: Sanskrit

5.33.100

naveti | śrotrādipañcakaṃ manobuddhyahaṅkārāḥ sthūlaśarīraṃ ceti nava dvārāṇīva dvārāṇi viṣayagrahaṇamārgā yasmiṃstat | tisraḥ sthūṇāḥ stambhā iva vidhārakā yasya te ca avidyā kāmaḥ karma ca | veśma gṛhaṃ dehadvayātmakaṃ pañca sākṣivadudāsīnāḥ śabdādayo grāhyā yasmin | pañcabhūmikamiti pāṭhe pañcabhūmayaḥ pracārasthānānīti ta eva | pāñcabhautikamityarvācīnaḥ pāṭha upekṣyaḥ | kṣetrajñena cidātmanā adhiṣṭhitamidaṃ kṣetraṃ tattvena yo vidvān veda sa paraḥ sarvotkṛṣṭaḥ kavirbrahmavidityarthaḥ ||

Previous: 5.33.98
Next: 5.33.101
Up: 5.33

Linked texts (1)

Mahābhārata — Vyāsa, Sanskrit