The Great Epic of the Bhārata dynasty 6.25.12

Bhāratabhāvadīpa 6.25.12

Language: Sanskrit

6.25.12

tasya evaṃ vadato duryodhanasya sañjayavākyamidam | siṃhanādamiti ṇamulantam | tena vinadyetyasyānuprayogaḥ | kaṣāditvāt “samūlakāṣaṃ kaṣati sma daityān” ityādivat | kuruvṛddho bhīṣmaḥ | prāgvirāṭanagarādau dṛṣṭaprabhāvānpāṇḍavāndṛṣṭvā rājño bhayaṃ mā bhūditi śaṅkhaṃ dadhmau | harṣaṃ yuddhotsāhaṃ janayan | hetvarthe śatṛpratyayaḥ | harṣajananārthamityarthaḥ ||

Previous: 6.25.11
Next: 6.25.19
Up: 6.25

Linked texts (1)

Mahābhārata — Vyāsa, Sanskrit