The Great Epic of the Bhārata dynasty 6.26.53

Bhāratabhāvadīpa 6.26.53

Language: Sanskrit

6.26.53

nanu buddhiprasādo'pi kena liṅgena jñeya ityata āha - śrutīti | śrutibhirnānāvidhaśāstraśravaṇairvipratipannā ātmā nityo'nityo vā nityo'pi kartā'kartā vā akartāpyeko'neko vetyevamādisaṃśayagrastā satī yadā asambhāvanāviparītabhāvanānirāsapūrvakaṃ śrutitātparyaviṣayībhūte brahmādvaite niścalā punaḥ kutarkairanāskandanīyā nirvicikitsāparokṣaniścayavatī bhūtvā samādhau nirvikalpake pratyagātmani acalā layavikṣepaśūnyā sthāsyati sthirā bhaviṣyati tadā yogaṃ vivekaprajñāṃ prāpsyasi | niścalasamādhilābha eva buddhiprasādaliṅgamiti bhāvaḥ ||

Previous: 6.26.52
Next: 6.26.54
Up: 6.26

Linked texts (1)

Mahābhārata — Vyāsa, Sanskrit