The Great Epic of the Bhārata dynasty 6.26.59

6.26.59

nanu viṣayebhya indriyāṇāṃ nivṛttiścet sthitaprajñatāhetustarhi suptimūrcchālayagrahāveśādāvapi sāstīti sarvo'pi sthitaprajña evetyāśaṅkyāha - viṣayā iti | satyaṃ dehino dehābhimānavato mūḍhasya suptyādau nirāhārasya indriyairviṣayānanāharato'bhuñjānasya viṣayā vinivartanta eva tathāpi rasavarjaṃ raso rāgastadvarjaṃ nivartante | tadāpi sūkṣmarūpeṇa rāgo'sti rāgamūlasyātmājñānasyādāhānnāsau sthitaprajña ityarthaḥ | asyaiva punaḥ paraṃ dṛṣṭvā ātmānaṃ sākṣātkṛtya nirāhārasya śabdādīnagṛhṇato raso'pi nivartate mūlājñānadāhādityasti suptādeḥ samādhisthasya ca mahānviśeṣa iti bhāvaḥ | prāñcastu rogiṇaḥ kāṣṭhatapasvino vā mūḍhasyāpi viṣayānanāharato rasavarjaṃ viṣayā vinivartante tasyaiva paraṃ dṛṣṭvā sthitasya raso'pi nivartata iti vyācakhyuḥ ||