The Great Epic of the Bhārata dynasty 6.26.62

Bhāratabhāvadīpa 6.26.62

Language: Sanskrit

6.26.62

“yadā pañcāvatiṣṭhante jñānāni manasā saha | buddhiśca na viceṣṭati tāmāhuḥ paramāṃ gatim” iti śrutau indriyamanobuddhīnāṃ nigrahe paramapadaprāptirityuktam | tatra upasaṃhṛtakaraṇasya bāhyāñśabdādīnagṛhṇato manomātreṇāvasthitasya yogino manaso'nigrahe kiṃ syādityāha - dhyāyata iti dvābhyām | viṣayāñśabdādīndhyāyataścintayataḥ puṃsaḥ puruṣasya teṣu śabdādiṣu saṅgaḥ sambandho jāyate | bāhyārthebhyo nigṛhītānyapīndriyāṇi manodoṣātpunarbāhyārthāngṛhṇantītyarthaḥ | tataḥ saṅgātkāmastasminviṣaye'bhilāṣaḥ sañjāyate | kāmātkutaściddhetoḥ pratihatādabhijvalanātmā krodho'bhijāyate ||

Previous: 6.26.61
Next: 6.26.63
Up: 6.26

Linked texts (1)

Mahābhārata — Vyāsa, Sanskrit