The Great Epic of the Bhārata dynasty 6.26.64

Bhāratabhāvadīpa 6.26.64

Language: Sanskrit

6.26.64

nanu viṣayānadhyāyato'pi yogino vyutthāne pramāṇasvābhāvyādindriyāṇāṃ viṣayeṣu saṅgo duṣpariharastataścoktarītyā tasyāpi nāśaprasaktirityāśaṅkyāha - rāgadveṣeti | vidheyātmā kiṅkarīkṛtamanāstu ātmavaśyairmanodhīnairindriyaiḥ svāminaścittasya kiṅkarīkṛtasya kāmakrodhahīnatvātsvayamapi rāgadveṣaviyuktaiḥ viṣayānpathi patitatṛṇādīnīvānāsthayā caranpaśyannapi pumān tatra kāmādyanudayātprasādaṃ saṅkalpavikalpapaṅkalepaprakṣālanena manasaḥ svācchyamadhigacchati | manasaḥ svācchyameva pratyagātmanaḥ svācchyaṃ tasya tadguṇasāratvāt | ajitamanaskamiva jitamanaskaṃ viṣayasaṅgo na bādhate'to manojayo'vaśyaṃ kartavya ityarthaḥ ||

Previous: 6.26.63
Next: 6.26.65
Up: 6.26

Linked texts (1)

Mahābhārata — Vyāsa, Sanskrit