The Great Epic of the Bhārata dynasty 6.27.6

Bhāratabhāvadīpa 6.27.6

Language: Sanskrit

6.27.6

nanu sannyāsapūrvakaṃ dhyānenaiva cittaśuddhimapi sampādayiṣyāmi, kiṃ karmabhirityāśaṅkyāha - karmendriyāṇīti | yo vimūḍhātmā rāgādyākrāntacittaḥ karmendriyāṇi vāgādīni saṃyamya nigṛhya āste ekānte dhyānāpadeśenopaviśati sa mithyācāraḥ | tasya tadāsananiyamanādikamācaraṇaṃ mithyā alīkameva niṣphalatvāt | tatra hetuḥ indriyārthānmanasā smaranniti | yataḥ indriyārthāñśabdādīñśrotrādibhirgṛhṇāti manasā ca smarati ato mithyācāraḥ sa viṣayāṃścintayanyoganiṣṭhāmātmano loke'bhivyanaktyataḥ kapaṭītyarthaḥ | tasmātkarmavyatiriktaścittaśuddhyupāyo nāstīti bhāvaḥ ||

Previous: 6.27.5
Next: 6.27.7
Up: 6.27

Linked texts (1)

Mahābhārata — Vyāsa, Sanskrit