The Great Epic of the Bhārata dynasty 6.27.9

Bhāratabhāvadīpa 6.27.9

Language: Sanskrit

6.27.9

nanu “karmaṇā badhyate jantuḥ” iti karmaṇāṃ bandhakatvasmṛteḥ kathaṃ mumukṣuṃ māṃ tatra niyojayasītyāśaṅkyāha yajñārthāditi | yajñaḥ parameśvarārādhanaṃ “yaja devapūjāyām” iti dhātvarthānugamāt | tadarthaṃ “yajño vai viṣṇuḥ” iti śruterviṣṇurvā tadārādhanārthaṃ yatkarma tato'nyatra karmaṇi svargādyarthe pravṛtto'yaṃ lokaḥ karmabandhanaḥ karmaṇā badhyate natvīśvarārādhanārthena | atastadartham īśvarārādhanārthaṃ karma varṇāśramocitaṃ he kaunteya muktasaṅgaḥ phalābhilāṣaśūnyaḥ san samācara samyakkuru ||

Previous: 6.27.8
Next: 6.27.10
Up: 6.27

Linked texts (1)

Mahābhārata — Vyāsa, Sanskrit