The Great Epic of the Bhārata dynasty 6.28.25

Bhāratabhāvadīpa 6.28.25

Language: Sanskrit

6.28.25

evaṃ samyagdarśanasya yajñatvaṃ sampādya tatstutyarthaṃ yajñāntarāṇyupakṣipati - daivamevetyādinā | daivaṃ devatāpradhānameva darśapūrṇamāsādiyajñaṃ nānyam eke yoginaḥ karmayoginaḥ paryupāsate apare tu brahmaiva satyajñānānantānandātmakamakhaṇḍaikarasaṃ vastu tadeva jñātaṃ satsarvakarmadagdhṛtvādagnirivāgnirbrahmāgnistatra yajñaṃ jīvam | yajñaśabdasyātmanāmasu pāṭhāt | sopādhiṃ yajñenaivātmanaiva nirupādhikena rūpeṇa juhvati ghaṭākāśamiva mahākāśe upādhiprahāṇena pravilāpayanti so'yaṃ jñānayajño mukhyaḥ ||

Previous: 6.28.24
Next: 6.28.26
Up: 6.28

Linked texts (1)

Mahābhārata — Vyāsa, Sanskrit