The Great Epic of the Bhārata dynasty 6.29.20

Bhāratabhāvadīpa 6.29.20

Language: Sanskrit

6.29.20

na prahṛṣyediti | yasmānnirdoṣaṃ samaṃ brahma tasmāt priyaṃ putrādiṃ prāpya na prahṛṣyet | apriyaṃ śatruṃ duḥkhadaṃ prāpya nodvijet | buddhasthitirabuddhenānuṣṭheyeti jñāpayitumubhayatra liṅprayogaḥ | sthirabuddhiḥ pratyagadvaite śrutiyuktibhyāṃ sthirīkṛtaprajñaḥ | asammūḍho dhyānajasākṣātkāreṇa nirgatamohaḥ | ataeva brahmavidbrahmabhāvasya labdhā | brahmabhāvaṃ gata ityarthaḥ | brahmaṇyeva pratyagadvaye vyutthānāvasthāyāmapi sthitaḥ | sarvaṃ brahmetyeva paśyannityarthaḥ ||

Previous: 6.29.19
Next: 6.29.21
Up: 6.29

Linked texts (1)

Mahābhārata — Vyāsa, Sanskrit