The Great Epic of the Bhārata dynasty 6.29.23

Bhāratabhāvadīpa 6.29.23

Language: Sanskrit

6.29.23

kaḥ punarmukhyaḥ sukhītyāha - śaknotīti | ihaiva jīvatyeva dehe prākśarīravimokṣaṇādyāvaddehapātaṃ mayā kāmakrodhau jitāviti visrambho na kartavya ityarthaḥ | śrute dṛṣṭe'numite vā viṣaye yo gardhastṛṣṇārūpo'tṛptiśca sa kāmaḥ krodhastādṛśe eva viṣaye dveṣastau kāmakrodhāvudbhavo yasya vegasya sa romāñcahṛṣṭanetravaktraliṅgo'ntaḥkaraṇaprakṣobharūpaḥ kāmodbhavo vegaḥ | gātraprakampaprasvedasandaṣṭauṣṭhapuṭaraktanetrādiliṅgaḥ krodhodbhavo vegastaṃ kāmakrodhodbhavaṃ vegaṃ soḍhuṃ yaḥ śaknoti sa eva yukto yogī mukhyaḥ sukhī ca nānyaḥ ||

Previous: 6.29.22
Next: 6.29.24
Up: 6.29

Linked texts (1)

Mahābhārata — Vyāsa, Sanskrit