The Great Epic of the Bhārata dynasty 6.30.2

Bhāratabhāvadīpa 6.30.2

Language: Sanskrit

6.30.2

kena sāmyenāyaṃ sannyāsī yogī ceti stūyate | ata āha - yamiti | yo hi tyaktasarvasaṅkalpaḥ sa sannyāsī tādṛśaśca dhyānayogī ato na tayorbhedaḥ | “niḥsaṅkalpastaṭasthastiṣṭhedetanmokṣalakṣaṇam” iti maitrāyaṇīyopaniṣacchrutasya mokṣalakṣaṇasya niḥsaṅkalpatvasyobhayatrāpi tulyatvāt | ato'yamapi karmayogī phalasaṅkalpatyāgānniḥsaṅkalpatvasāmyātsannyāsī yogī ca bhavatīti stūyata ityarthaḥ | yogādhikārasiddhaye niṣkāmakarmāṇyanuṣṭheyānīti ślokadvayatātparyārthaḥ ||

Previous: 6.30.1
Next: 6.30.3
Up: 6.30

Linked texts (1)

Mahābhārata — Vyāsa, Sanskrit