The Great Epic of the Bhārata dynasty 6.31.17

Bhāratabhāvadīpa 6.31.17

Language: Sanskrit

6.31.17

kiṃ sarve'pi samā ete sukṛtina iti sādhāraṇyena viśeṣaṇādata āha - teṣāmiti | teṣāṃ madhye jñānī viśiṣyate | yato nityayuktaḥ | ārtādayo hi kāminaḥ kāmapūrtau na madbhajane yuktā bhavanti ayantu nityayukta ekabhaktiścaikabhāvena bhajanaṃ karoti | tathāhi ārtā rogiṇaḥ sūryaṃ bhajante jijñāsavaḥ sarasvatīm arthārthinaḥ kuberādīniti teṣāṃ tattatkāmārthitvenānekabhaktitvaṃ dṛśyate | tasya nityayuktatve ekabhaktitve ca hetuḥ hi yataḥ jñānino'hamatyarthaṃ priyaḥ ātmatvādeva | ātmā ca priyaḥ nirupādhipremagocaratvāttadetatpreyaḥ putrātpreyo vittātpreyo'nyasmātsarvasmādāntaro yadayamātmā iti śruteśca | saca jñānī mama priyo bhaktānāṃ durlabhatvāditi bhāvaḥ ||

Previous: 6.31.16
Next: 6.31.18
Up: 6.31

Linked texts (1)

Mahābhārata — Vyāsa, Sanskrit