The Great Epic of the Bhārata dynasty 6.32.13

Bhāratabhāvadīpa 6.32.13

Language: Sanskrit

6.32.13

mūrdhni prāṇamādhāya kiṃ kuryādata āha -- oṅkārarūpam ekākṣaram ekaṃ ca tadakṣaraṃ ca varṇo brahma ca tadvyāharannuccaran māṃ ca brahmabhūtamanusmaran yo hi devadattaṃ smṛtvā tannāma vyāharati tasmai devadatto'bhimukho bhavatyevaṃ brahmaṇo nāmoccāraṇena sannihitataraṃ vyāpakaṃ brahma sādhakasya sannidhīyate | sannihite ca brahmaṇi yo dehaṃ tyajan mriyamāṇaḥ prayāti ūrdhvanāḍyā utkrāmati sa paramāṃ gatiṃ sannikṛṣṭabrahmarūpāṃ yāti | brahmaiva prakṛtya śrūyate “eṣāsya paramā gatireṣāsya paramā sampadeṣo'sya parama ānandaḥ” iti | tāmeva gatiṃ śuddhaṃ brahmaiva prāpnoti brahmalokaprāptidvārā ||

Previous: 6.32.12
Next: 6.32.14
Up: 6.32

Linked texts (1)

Mahābhārata — Vyāsa, Sanskrit