The Great Epic of the Bhārata dynasty 6.32.19

Bhāratabhāvadīpa 6.32.19

Language: Sanskrit

6.32.19

kṛtahānākṛtābhyāgamadoṣāpanittaye bandhamokṣaśāstrapravṛttisāphalyāya ca avidyādivaśādavaśo'yaṃ bhūtagrāmaḥ punaḥpunarbhūtvā punaḥ punaḥ pralīyata ityāha vairāgyotpādanārtham -- bhūtagrāma iti | aharāgame bhūtvā bhūtvā rātryāgame pralīyata iti yojanā | sa eva bhūtvā pralīyate nānyo'bhinavo bhavatītyarthaḥ | kutaḥ yato'vaśaḥ avidyākāmakarmādhīnastasmātsarvānarthabījabhūtāyā avidyāyā vidyayā ucchede janmamaraṇapravāhavicchedāyāvaśyaṃ yatitavyamityarthaḥ ||

Previous: 6.32.18
Next: 6.32.20
Up: 6.32

Linked texts (1)

Mahābhārata — Vyāsa, Sanskrit