The Great Epic of the Bhārata dynasty 6.32.28

Bhāratabhāvadīpa 6.32.28

Language: Sanskrit

6.32.28

punaḥ śraddhābhivṛddhaye yogaṃ stauti -- vedeṣviti | vedeṣu samyagadhīteṣu yajñeṣu tapaḥsu ca samyaganuṣṭhiteṣu dāneṣu ca samyagdatteṣu yatpuṇyaṃ tatphalaṃ ceti puṇyaphalaṃ sarveṣu samucciteṣu yatpradiṣṭaṃ śāstreṣu tatsarvaṃ yogī atyetyatikrāmati kāryabrahmalokaṃ prāpnotītyarthaḥ | kiṅkṛtvā idaṃ pūrvoktamupāsanaṃ viditvā jñātvānuṣṭhāya ca | tataśca kimityata āha -- yatsthānaṃ nirviśeṣaṃ brahmopaiti prāpnoti ca krameṇetyarthaḥ | ādyaṃ na tu kenacinnirmitam | tadanenādhyāyena dhyeyastatpadārtho vyākhyātaḥ | agrime'dhyāye jñeyaṃ brahma vyākhyāsyati ||

Previous: 6.32.27
Next: 6.33.1
Up: 6.32

Linked texts (1)

Mahābhārata — Vyāsa, Sanskrit