The Great Epic of the Bhārata dynasty 6.34.13

Bhāratabhāvadīpa 6.34.13

Language: Sanskrit

6.34.13

evam etāṃ vibhūtiṃ yogaṃ cetyādinā vibhūtijñānasya phalodarkaṃ śrutvā tatprāptyutsukaḥ prathamaṃ stutyā bhagavantamāvarjayannarjuna uvāca -- paramiti | paraṃ brahma natvaparamupāsyam | “tadeva brahma tvaṃ viddhi nedaṃ yadidamupāsate” iti śruteḥ | paraṃ dhāma jyotiḥ natvaparaṃ vṛttirūpaṃ jñānam | etasya “hrīrdhīrbhīrityetatsarvaṃ mana eva” iti śrutervṛttirūpatvāt | paramaṃ pavitraṃ na tu tīrthādivadaparamaṃ bhavān | tatra mānamāha -- puruṣamiti sārdhena | puruṣaṃ dehāntarastham | śāśvataṃ nityam | divyaṃ divi hārdākāśe āvirbhūtam | ādidevaṃ sūtrātmano'pyādyam | ataeva ajaṃ vibhuṃ vyāpakam | tvām ṛṣaya āhuriti sambandhaḥ ||10.12 -- 10.13 ||

Previous: 6.34.11
Next: 6.34.14
Up: 6.34

Linked texts (1)

Mahābhārata — Vyāsa, Sanskrit