The Great Epic of the Bhārata dynasty 6.34.4

Bhāratabhāvadīpa 6.34.4

Language: Sanskrit

6.34.4

mama maheśvaratvādeva matto buddhyādayo bhavantītyāha -- buddhiriti | buddhirantaḥkaraṇasya sūkṣmārthāvabodhane sāmarthyam? jñānamātmānātmādipadārthāvabodhaḥ | asammohaḥ pratyutpanneṣu boddhavyeṣvavyākulatayā vivekapūrvikā pratipattiḥ | kṣamā ākṛṣṭasya tāḍitasya vā'vikṛtacittatā | satyaṃ pramāṇenāvagatasyārthasya yathārthatvena bhāṣaṇam | damo bāhyendriyaniyamaḥ | śamo manonigrahaḥ | sukhamāhlādaḥ | duḥkhaṃ tāpaḥ | bhava utpattiḥ | bhāvaḥ sattā abhāvastadviparyayaḥ | bhayaṃ trāsaḥ | abhayameva ca tadviparītam ||

Previous: 6.34.3
Next: 6.34.5
Up: 6.34

Linked texts (1)

Mahābhārata — Vyāsa, Sanskrit