The Great Epic of the Bhārata dynasty 6.35.18

Bhāratabhāvadīpa 6.35.18

Language: Sanskrit

6.35.18

evaṃ tava yogaiśvaryadarśanāttvāmevamavaimīti vadannaprameyatvameva vivṛṇoti -- tvamiti | paramamakṣaramasthūlādilakṣaṇam | ‘akṣaraṃ brahma paramam’ ityatra prāguktaṃ niṣkalaṃ brahma tadeva tvamasi | etena saguṇarūpasya nirguṇajñāpakatvamuktam , śākhāgrasyeva candrajñāpakatvam | ataeva veditavyaṃ vedāntapramāṇena jñātuṃ yogyaṃ na tūpāsanīyam | saguṇaṃ brahmāpi tvamevetyāha -- tvamasyeti | nidhānaṃ layasthānam | etena kāraṇatvamuktam | avyayaḥ amṛtaḥ devatvāt | śāśvatasya vaidikasya dharmasya goptetyanena kāryabrahmabhūtahiraṇyagarbharūpatvamuktam | sanātanaścirantano'nādipuruṣo jīvātmā so'pi tvameva me mama mataḥ | evaṃ viśvarūpadarśane jīvabrahmaṇoraikyaṃ śākhayā candra ivādhigamyata ityuktam ||

Previous: 6.35.17
Next: 6.35.19
Up: 6.35

Linked texts (1)

Mahābhārata — Vyāsa, Sanskrit