The Great Epic of the Bhārata dynasty 6.35.3

Bhāratabhāvadīpa 6.35.3

Language: Sanskrit

6.35.3

evamiti | yacca tvaṃ ‘viṣṭabhyāhamidaṃ kṛtsnamekāṃśena sthito jagat’ iti ātmānaṃ jagadādhāramāttha tadapi itthameva na mamātrāsambhāvanāsti | he parameśvara! te tava rūpam aiśvaramīśvarasyedaṃ viśvātmakaṃ māyāmayamityarthaḥ | he puruṣottama kṣarākṣarātīta ! viśvarūpaṃ māyāmayam | vāstavaṃ tu rūpaṃ māyātītamityaiśvaramiti puruṣottameti ca padābhyāṃ labhyate | tathāca vakṣyati “māyā hyeṣā mayā sṛṣṭā yanmāṃ paśyasi nārada | sarvabhūtaguṇairyuktaṃ naivaṃ māṃ jñātumarhasi” iti | uktaṃ ca śuddhaṃ rūpamabhipretya ‘avyakto'yamintyo'yam’ iti ||

Previous: 6.35.2
Next: 6.35.4
Up: 6.35

Linked texts (1)

Mahābhārata — Vyāsa, Sanskrit