The Great Epic of the Bhārata dynasty 6.35.36

Bhāratabhāvadīpa 6.35.36

Language: Sanskrit

6.35.36

ekādaśabhiḥ ślokairarjuna uvāca -- sthāne iti | he hṛṣīkeśa sarvendriyapravartaka antaryāmin ! tava prakīrtyā nāmasaṅkīrtanena jagatprahṛṣyati yattat sthāne yuktam | sthāne ityavyayaṃ yuktamityarthe | yattava prakīrtyā jagadanurajyate tadapi sthāne yuktam | yattava prakīrtyā rakṣāṃsi bhītāni santi diśo dravanti prapalāyante tadapi sthāne yuktam | yacca tvāṃ sarve siddhasaṅghāḥ kapilādīnāṃ samudāyāḥ namasyanti tadapi sthāne | ayaṃ śloko rakṣoghnamantratvena mantraśāstre prasiddhaḥ | sa ca nārāyaṇāṣṭākṣarasudarśanāstramantrābhyāṃ sampuṭito jñeya iti rahasyam ||

Previous: 6.35.35
Next: 6.35.37
Up: 6.35

Linked texts (1)

Mahābhārata — Vyāsa, Sanskrit