The Great Epic of the Bhārata dynasty 6.35.55

Bhāratabhāvadīpa 6.35.55

Language: Sanskrit

6.35.55

śāstrasarvasvaṃ saṅgṛhṇāti -- matkarmakṛditi | madarthameva karmāṇi karotīti matkarmakṛt | ahameva paramo niṣkalaḥ prāpyo yasyeti sa matparamaḥ | etena kṛtsnaḥ karmayogo dhyānayogaśca tvampadārthaśodhaka uktaḥ | mama bhakta ārādhanakṛdityupāsanākāṇḍārthasaṅgrahaḥ | saṅgavarjita ityanena ekāntabhagavaddhyānaniṣṭha ityuktam | nirvaira iti viśvaṃ bhagavadātmanā paśyedityuktam | anyathā bhedabuddhimato nirvairatvāsambhavāt | evambhūto yaḥ sa māṃ tatpadalakṣyārthabhūtamakhaṇḍānandaikaghanameti prāpnoti pratyagabhedena | he pāṇḍava viśuddhavaṃśaja | tvamevaitajjñātuṃ śaknoṣīti bhāvaḥ ||

Previous: 6.35.54
Next: 6.36.1
Up: 6.35

Linked texts (1)

Mahābhārata — Vyāsa, Sanskrit