The Great Epic of the Bhārata dynasty 6.37.18

Bhāratabhāvadīpa 6.37.18

Language: Sanskrit

6.37.18

uktamarthajātamupasaṃharati -- itīti | kṣetraṃ mahābhūtādidhṛtyantam | jñānaṃ jñānasādhanamamānitvādi tattvajñānārthadarśanāntam | jñeyamanādimatparamityādi dhiṣṭhitamityantam | śrutibhyaḥ smṛtibhyaśca samāsataḥ saṅkṣepata uktam | madbhakta etattrayaṃ vijñāya madbhāvāya brahmabhāvāyopapadyate yukto bhavati | bhaktyaiva prāpyaṃ brahma yatprāpya brahmaiva bhavati | tathā ca śrutiḥ “yasya deve parā bhaktiryathā deve tathā gurau | tasyaite kathitā hyarthāḥ prakāśante mahātmanaḥ” iti | “brahma veda brahmaiva bhavati” iti ca ||

Previous: 6.37.17
Next: 6.37.19
Up: 6.37

Linked texts (1)

Mahābhārata — Vyāsa, Sanskrit