The Great Epic of the Bhārata dynasty 6.41.2

Bhāratabhāvadīpa 6.41.2

Language: Sanskrit

6.41.2

evaṃ sāmānyataḥ pṛṣṭe sāmānyamevottaraṃ śrībhagavānuvāca -- trividheti | svabhāvaḥ prāgbhavīyau dharmādharmau tato jātā svabhāvajā | yadi prāgbhave sāttviko devatāpūjādidharmo'nenānuṣṭhitastarhi tasya śuddhasāttvikyeva śraddhā bhavati | yadi rājaso yakṣādipūjārūpastarhi rājasyeva | yadi tāmaso bhūtapretādipūjārūpastarhi tāmasī śraddhā bhavati | evaṃ trividhā śraddhā dehināṃ dehābhimānavatāṃ bhavati tāṃ mayā vyākhyāsyamānāṃ śṛṇu ||

Previous: 6.41.1
Next: 6.41.3
Up: 6.41

Linked texts (1)

Mahābhārata — Vyāsa, Sanskrit