The Great Epic of the Bhārata dynasty 6.41.23

Bhāratabhāvadīpa 6.41.23

Language: Sanskrit

6.41.23

adṛṣṭārthānāṃ yajñadānatapaḥprabhṛtīnāṃ vaikalyaśaṅkāyāṃ sādguṇyasiddhyarthaṃ prāyaścittamupadiśyate -- tatsaditi | omiti taditi saditi ca trividhastriprakāro'yaṃ brahmaṇo nirdeśo nāmnāṃ pāṭhaḥ | yathā sahasranāmnāṃ pāṭhe sahasraṃ nāmāni evamasminnapi nāmapāṭhe trīṇyeva nāmānītyarthaḥ | “omiti brahma” iti taittirīyake | “taditi vā etasya mahato bhūtasya nāma bhavati” ityaitareyake | “sadeva somyedamagra āsīt” iti chāndogye ca eteṣāṃ śabdānāṃ brahmanāmatvaprasiddheḥ | tena nāmatrayeṇa brāhmaṇādayo vihitāḥ | purā sargādau brāhmaṇāḥ etannāmatrayoccāraṇasāmarthyenaiva vidhātrā viprādayo vihitāḥ | prakāśitā ityarthaḥ ||

Previous: 6.41.22
Next: 6.41.24
Up: 6.41

Linked texts (1)

Mahābhārata — Vyāsa, Sanskrit