The Great Epic of the Bhārata dynasty 6.42.49

Bhāratabhāvadīpa 6.42.49

Language: Sanskrit

6.42.49

svakarmaṇāmīśvare samarpaṇaṃ kartavyamityuktvānantaraślokadvayena svakarmaṇāmāvaśyakatvamuktvā teṣāṃ parameśvare'rpaṇena kiṃ phalaṃ syādityata āha -- asakteti | sannyāsenakāryamityeva yatkarma niyataṃ kriyate'rjuna |,saṅgaṃ tyaktvā phalaṃ caiva sa tyāgaḥ sāttviko mataḥ iti pūrvoktenāmukhyasāttvikatyāgena | asaktabuddhiḥ putradārādiṣu saktipadeṣu āsaktivarjitā buddhiryasya so'saktabuddhiḥ virakta ityarthaḥ | ataeva jitātmā śāntacittaḥ | vigataspṛhaḥ viśeṣeṇa gatā spṛhā tṛṣṇā yasya tādṛśo bhūtvā naiṣkarmyasiddhiṃ kārtsnyena svarūpataḥ karmatyāgalakṣaṇāṃ pārivrājyasiddhiṃ paramāṃ pūrvoktāmukhyatyāgāpekṣayātiśreṣṭhāṃ na dveṣṭyakuśalaṃ karmeti śloke vyākhyātām adhigacchati prāpnoti ||

Previous: 6.42.48
Next: 6.42.50
Up: 6.42

Linked texts (1)

Mahābhārata — Vyāsa, Sanskrit