The Great Epic of the Bhārata dynasty 6.5.10

Bhāratabhāvadīpa 6.5.10

Language: Sanskrit

6.5.10

ānupūrvyā bhūmyādikrameṇa vinaśyanti jāyante ca ānupūrvaśa ākāśādikrameṇa | viparyayeṇa kramo'ta upapadyate cetinyāyena sṛṣṭikramaviparītatvāt saṃhārakramasya ata eva utpattivināśaśīlatvādeva sarvāṇyetāni bhoktṛbhogyanyaparimeyāṇi anantāni marīcikodakahradatulyatvāt | na hi marīcikodakamiyatpramāṇāmiti parimātuṃ śakyam | yata etānyaparimeyāṇi tattasmāddhetoḥ eṣāṃ rūpam aiśvarameva na tu bhautikaṃ na hyadhyastasyādhiṣṭhānādanyadrūpamasti | ata eva 'sarvaṃ khalvidaṃ brahma' 'ātmaivedaṃ sarvaṃ’ brahmaivedaṃ sarvam' iti sarvasya brahmabhāvaśravaṇamupapadyata ityarthaḥ ||

Previous: 6.5.9
Next: 6.5.11
Up: 6.5

Linked texts (1)

Mahābhārata — Vyāsa, Sanskrit