Jivanandanataka (Anandaramamakhin) 3.20

3.20

mantrīḥ—(śrutvā |) etenāpi vacasā nirogīkaraṇasamarthānrasānprayoktuṃ
rājñastasya ca yakṣmahatakasya vinaśituṃ prāptaḥ kālo'yamiti ca sūcyate
(sabahumānam |) sādhu re vaitālika, sādhu | yadadhunā gūḍhābhiprāyeṇa bhavatā
bodhitavyaṃ bodhitam | tadeva vṛttaṃ saprakāramavagamayituṃ rājānaṃ pratyudgamanena
bahumantuṃ ca tatraiva gacchāmi | (ityutthāya ākāśe |) are yakṣmahataka, bhavadīyamataḥparaṃ paśyāmi śauṇḍīryam | (puro vilokya |) kathamāgata eva devaḥ
yato devī puromārgapradarśinī puro dṛśyate | yaiṣā
dhammille ghanasaṃnibhe sitataḍidvalyeva mallisrajā
vakrendo rucireṇa nābhitilakavyājātkalaṅkena ca
hāreṇa stanakokayorapi bisasvacchena cāyāminā
pādāmbhoruhayośca haṃsakayugeṇārāviṇā rājate