Vidyaparinayanataka (Anandaramamakhin) 1.14
Vidyāpariṇayanāṭaka (Ānandarāmamakhin) 1.14
- Language
- Sanskrit
1.14
pāripārśvikaḥ—advaitaṃ vastu, śṛṅgāro rasaḥ, atha ca nirdoṣatā, iti sarvamidamatyadbhutaṃ dṛśyate| athavā-viśvātiśāyilaukikavaidikalakṣmīvilāsavyatikareṇa jagadāścaryakulaparamparānāṃmata ete| etatpraṇītamabhinavamidaṃ nāṭakamasmābhirabhānīyata iti vāṅmanasātivarti nanu bhāgyamidamasmākam | paraṃ
tu śrutismṛtītihāsāgamatantrādisiddhanānāvidhasāmbaśivacaraṇaparicaraṇatadanusaṃdhānanirantaritanikhilavāsarasya tadantarālaparimitapariśiṣṭakatipayamuhūrtanivartanīyacaturudadhiparimūdritasakalarājyatantrasya śarabhamahārājamantriśikhāmaṇerasya janakasanakasanandanapramukhābhinandatadīdṛśamahāprabandhanibandhanapaṭimadhaureyamiti me mahadāścaryam
sūtradhāraḥ—kimucyate 'mahadāścaryam' iti
ābālyādapi poṣito'jani mayā premṇā tathā lālitastenāsau sarasāmupaitu kavitāmānandarāyādhvarī
ityekakṣitipālavaṃśajaladherdevyā girāṃ jātayā
dhīraśrīśarabhāvanīndravapuṣā nūnaṃ prasādaḥ kṛtaḥ
Linked texts (4)
- Śrīkaṇṭhacarita — Maṅkha, Sanskrit
- Jīvānanda — Ānanda, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Vidyāpariṇaya (Ānandarāya) — Ānandarāya 1755, Sanskrit