Vidyaparinayanataka (Anandaramamakhin) 1.28

Vidyāpariṇayanāṭaka (Ānandarāmamakhin) 1.28

Language: Sanskrit

1.28

idameva tat | ato'yamevāvasaraḥ prayatnasya | parameśvaryāpi tadidamabhisaṃdhāyaiva saṃprati vayamatra satvaraṃ niyojitāḥ
nivṛttiḥ—bhagavati, jīvarājasya tādṛgavidyāvighaṭanavidyāsaṃghaṭanaviṣaye parameśvaryāḥ kiṃnibandhano'yamiyānabhiniveśaḥ
śivabhaktiḥ—vatse, jīvo nāma kimitaraḥ parameśvarābhyām | śa‍ṛṇu
tarhi | kathayāmi te bhūtārtham
satyajñānasukhasvarūpamahitaḥ sarvāntarātmeti yo
vikhyātaḥ puruṣaḥ sa tāvadasatīṃ paśyannavidyāmimām
asyā vibhramamohitaḥ pramuṣitasvīyaprabhāvaprathāṃ
jīvo jīva iti prapadya sucirādunmattavadbhrāmyati

Previous: 1.27
Next: 1.29
Up: 1

Linked texts (1)

Vidyāpariṇaya (Ānandarāya) — Ānandarāya 1755, Sanskrit