Caitanyacandrodaya 10.3

Language: Sanskrit

10.3

bhagavannāma nyāyācāryastu puruṣottama eva bhagavaccaitanyadarśanākāṅkṣī
yāvajjīvaṃ sthitaḥ | evameṣāṃ sākṣādanugrahaḥ | āgamanāsarthānāṃ tu parahṛdayamāruhyānugrahaḥ kriyate | hṛdayārohayogyāstvadvaitanakulabrahmacāryādayaḥ
strī—kiṃci kadhehi | (ṅa)
puruṣaḥ—advaitārohavārtā tu prathīyasī, tatkathanaṃ bahukālasādhyam
nakulabrahmacārihṛdayārohaḥ śrūyatām
strī—kadhehi, avahidahmi | (ka)
puruṣaḥ—asti kaścidambugrāme paramavaiṣṇava ājanmabrahmacārī nakulo
nāma | tasyaikasmindivase grahagrastasyeva kasyāmapi daśāyāmutpannāyāmānandāsrapulakanirbharasya darśanamātreṇaiva sarveṣāṃ hṛdayakuhare śrīcaitanyāveśo'yamasya
jāta iti pratyayamutpādayata eva katicidahorātrā gatāḥ
strī—tado tado | (kha)
puruṣaḥ—tadanu
gauratviṣā kapiśayankakubhaḥ samantādānandabhogaparilopitabāhyavṛttiḥ
ābālavṛddhataruṇairatha lakṣasaṃkhyairlokairbhūtapraṇayibhiḥ paripūjyamānaḥ