Caitanyacandrodaya 10.6

Language: Sanskrit

10.6

sārvabhaumaḥ—mahārāja, rāmānando hi bhāgavatottama eva | tathā hi—
‘praṇayaraśanayā dhṛtāṅghripadmaḥ sa bhavati bhāgavatapradhāna uktaḥ’
tenāsya bhagavānvaśa eva | atastaduparodhena bhagavatā tvayyetādṛśo'nugrahaḥ kṛtaḥ
rājā—rāmānandena kiyaddūramanuvrajitavyam
bhaṭṭācāryaḥ—bhadrakaparyantamiti śrutam
rājā—svāminaḥ saṅge kiyantaścalitāḥ
sārvabhaumaḥ—purīśvaradāmodarajagadānandagopīnāthagovindādyāḥ pañcaṣā
eva
rājā—hanta,
yadapi jagadadhīśo nīlaśailasya nāthaḥ
prakaṭaparamatejā bhāti siṃhāsanasthaḥ
tadapi ca bhagavacchrīkṛṣṇacaitanyadeve
calati punarudīcīṃ hanta śūnyā trilokī

Previous: 10.5
Next: 10.7
Up: 10

Linked texts (2)

Bhāgavatapurāṇa — Vyāsa, Sanskrit
Muktāphala — Vopadeva, Sanskrit