Karnabharananataka 2.24

2.24

devadūtaḥ—bhoḥ karṇa ! kavacakuṇḍalagrahaṇājjanitapaścāttāpena purandareṇānugṛhīto'si | pāṇḍaveṣvekapuruṣavadhārthamoghamastraṃ vimalā nāma
śaktiriyaṃ pratigṛhyatām
karṇaḥ—dhig, dattasya na pratigṛhṇāmi
devadūtaḥ—nanu brāhmaṇavacanād gṛhyatām
karṇaḥ—brāhmaṇavacanamiti | na mayātikrāntapūrvam | kadā labheya
devadūtaḥ—yadā smarasi tadā labhasva
karṇaḥ—bāḍham | anugṛhīto'smi | pratinivartatāṃ bhavān
devadūtaḥ—bāḍham | ( niṣkrāntaḥ )
karṇaḥ—śalyarāja ! yāvadrathamārohāvaḥ
śalyaḥ—trāḍham| ( rathārohaṇaṃ nāṭyataḥ| )
karṇaḥ—aye śabda iva śrūyate| kiṃ nu khalvidam
śaṅkhadhvaniḥ pralayasāgaraghopatulyaḥ
kṛṣṇasya vā na ta bhavetsa t phālgunasya
nūnaṃ yudhiṣṭhiraparājayakopitātmā
pārthaḥ kariṣyati yathāvalamadya yuddham