Manmathavijaya (Venkataraghava) 3.13

3.13

pā0—( māsūrya nāradaṃ paśyati | )
nāradaḥ—( pārvatīmavalokya sasmitam |) mahānubhāvaḥ khalu śaṅka
nāhaṃ paramārthato dūṣayāmi api tu bhavatībhāvāvabodhāyaiva
yaddhyānānmunayo bhavanti jagatīpāpāpanodakṣamāḥ
kumbhodbhūtamunīśvaraprabhṛtayo vṛddhiṃca siddhiṃ gatāḥ
anye cāpi yadīyabhaktibharitā bhadraṃ vinidraṃ gatāḥ
kiṃ brūmo vayamasya vaibhavamahāmbhodhestaṭasthāḥ param
śailarāja, iyaṃ hi sā dākṣāyaṇī dakṣādhvarabhuvi yā yogena visṛṣṭa
nijaśarīraṃ yāṃ ca tvaṃ duhitaraṃ manyase
yasyāḥ kaṭākṣaviśikhairhṛdi viddha eva
rāgānuviddhahṛdayo virahāsahiṣṇuḥ
śūnyaṃ jagatsamavadhārya viraktacetāḥ
saṃsāravartmani harastapase pravṛttaḥ