Malatimadhava 8.1.1

8.1.1

madayantikā—sehi lavaṅgie, jāṇīadi pasuttā de piyasahī
tti
lavaṅgikā—sehi, mā ṇa paḍibovehi | esā ciraṃ dummaṇāandī dāniṃ jevva īsa bhaṇṇe pasuttetti | ado saṇiaṃ imaṃ ettha ca
aṇaṅgemmi ubavisa
madayantikā—(tathā kṛtvā |) dummaṇāavi kahaṃ imaṃ vāmasīlā
lavaṅgikā—kam̐ha ṇāma ṇavabahūvissambhaṇovāmasāṇuaṃ savvaṃ
vibhadaṃ mahuramāsiṇaṃ arosaṇaṃ de bhādaraṃ bhattāraṃ āsādia ṇa dumma
ṇāissadi me piyasahī
madayantikā—pekkha buddharakkhide vippadīvaṃ uvāladdhā mma
buddharakṣitā—vippadīvaṃ ṇa vā vippadīvaṃ
madayantikā—kahaṃ via
buddharakṣitā—jaṃ dāva calaṇapattido bhantā ṇa bahumaṇṇido
ettha lajjādoseṇa eso jaṇo ṇa uvālambhaṇijjo | jaṃ vi piasahi,
ahiṇavavahūviruddharahasopakkamakkhalaṇavellakkhavicchaddiamahāṇuhāvattaṇassa bhāduṇo de vāāgaaṃ ki appaiṭṭhāṇaṃ | teṇa jāṇīadi
kiāvarāhā uvālambhaṇijjā amhetti (saṃskṛtamāśritya |) kica
'kusumardharmāṇo hi yoṣita sukumāropakramāḥ | tāstvanadhigataviśrasaiḥ prasabhamupakramyamāṇāḥ saṃprayogavidveṣiṇyo bhavanti |' evaṃ kila
kāmasūtrakārā manyanti
lavaṅgikā—ghare ghare purisā kulakaṇṇakāo uvvahanti | ṇa ya
ko vi kaṇṇāpasāhaṇaṃ aṇavaraddhamuddhasahāvaṃ kulakumārījaṇaṃ pahavāmi tti
vāāaleṇa pajjaledi | ede kkhu de āmaraṇasaṃbharijjantadussahaparagharaṇivāsaveraggakāriṇo hiaasallaṇikkhevā mahāparibhavā | jāṇe
kide itthiājammaggahaṃ jugucchanti bandhavā
madayantikā—buddharakkhide, adimilāṇā piasahī lavaṅgikā | atimahanto ko vi me bhāduṇā vāgavarāho kido
buddharakṣitā—aṃha iṃ | sudaṃ evva amhehiṃ ṇa me saṃpadaṃ imāe