Prasannaraghava 1.48
Prasannarāghava 1.48
- Language
- Sanskrit
1.48
rāvaṇaḥ—(anākarṇitakena |) kathamadyāpi nānīyate jānakī
bāṇaḥ—(vilokya | svagatam |) kathamiha daśakaṇṭho'pi | (prakāśam |)
aho etāvata vīraloke na kenāpi tāvadāropitamaiśvaraṃ dhanuḥ
nūpurakaḥ—nāropaṇīyaṃ ca
rāvaṇaḥ—kathamadyāpi nānīyate sītā | tadayaṃ candrahāsa eva me
balādānayati
bāṇaḥ—(vihasya |) yadīdṛśaṃ vīraḍambaraṃ tatkimāropyaiva harakārmukaṃ
nānīyate sītā
rāvaṇaḥ—āḥ, ko'yamalīkaṇḍitaḥ
uddaṇḍacaṇḍimalasadbhujadaṇḍakhaṇḍahelācalācalaharācalacārukīrteḥ
kīdṛgyaśastulitabālamṛṇālakāṇḍakodaṇḍakarṣaṇakadarthanayānayā me