Kundamala 3.11
Kundamālā 3.11
- Language
- Sanskrit
3.11
rā—(nirvarṇya saharṣam ) vatsa, kimucyate kasyāściditi | nanu
vaktavyam—sītāyāḥ padāni—iti | paśya—
samānaṃ saṃsthānaṃ nibhṛtalalitā saiva racanā
tadevaitadrekhākamalaracitaṃ cāru tilakam
yathā ceyaṃ dṛṣṭā harati hṛdayaṃ śokavidhuraṃ
tathā hyasmin devyā sapadi padapaṅktirvinihitā
3.11.p1
la-( saharṣam ) yāvadetāmeva padapaṅktimanusarantau vālmīkerāśramapadamranusarāvaḥ | yathā ceyaṃ pratyagranihitā padapaṅktistathā
jānāmi pratyāsannavartinyā devyā bhavitavyamiti
3.11.p2
tataḥ praviśati sītā
3.11.p3
sī—ṇivvattidaṃ savaṇaṃ, uvāsidā saṃjhā, hudo hudavaho, ogāhidā
bhagavaī bhāīrahī, bhagavaīṃ bhāīrahīṃ uddisia mahapadiṇṇā
sahatthagaddhā kundamālā samappidā | dāṇiṃ ahaṃ uṇṇadagaṃbhīrasīdalaṃ ladājālaṃ pavisia adihijaṇopatthāṇajoggaīṃ kusumāiṃ ociṇomi | (ka)
3.11.p4
praviṣṭakenāpacayaṃ nāṭayati
3.11.p5
la-eṣā padapaṅktiḥ krameṇa mārgavaśāt pulinatalaṃ parityajya sthalamārūḍhā, praṇaṣṭā ca | tadidameva purastātsaṃdṛśyamānalatāgulmapracchāyamatiramaṇīyamadhyāsya gataśramau bhagavantaṃ prācetasamupasarpāvaḥ
rā-yadabhirucitaṃ bhavate
3.11.p6
parikramyopaviśataḥ