Kundamala 3.7
Kundamālā 3.7
- Language
- Sanskrit
3.7
yathaitānyaviralapadavyāsalāñchitāni saikatāni vṛntamātrāvaśeṣatayā saṃsūcyamānakusumāpacayā rodholatāḥ tadālūnākisalayatayā viralacchāyā vanaspatayaḥ, tathā jānāmi pratyāsannavartinā manuṣyādhivāsena bhavitavyam | tathāhiabhinavaracitāni devatānāṃ jalakusumairbalimanti saikatāni
iyamapi kurute taraṅgamadhye bhujagavadhūlalitāni kundamālā
3.7.p1
rā—na kevalaṃ pratyāsannavartinā pratisrotopagatenāpi manuṣyādhivāsena
bhavitavyam
la—āścaryamāścaryam ! eṣā hi kundamālā caraṇasaparyāmiva kartukāmayā samudragāminyā taraṅgaparamparayā krameṇa devasya pādāntikamupahṛtā | avahitaṃ prekṣaṇīyā viracanā, tadavalokayatvāryaḥ
3.7.p2
gṛhītvopanayati