Uttararamacarita 3.2
Uttararāmacarita 3.2
- Language
- Sanskrit
3.2
tena ca tathāvidheṣṭajanakaṣṭavinipātajanmanā prakṛṣṭagadgadena dīrghaśokasaṃtānena saṃprati' parikṣīṇo rāmabhadraḥ | tamavalokya kampitamiva kusumasamabandhanaṃ me hṛdayam | adhunā ca pratinivartamānena rāmabhadreṇa niyatameva pañcavaṭīvane vadhūsahanivāsavisrambhasākṣiṇaḥ pradeśā draṣṭavyāḥ | tatra
ca nisargadhīrasyāpyevaṃvidhāyāmavasthāyāmatigambhīrābhogaśokakṣobhasaṃvegātpade pade mahāpramādāni śokasthānāni śaṅkanīyāni rāmabhadrasya
tadbhagavati godāvari ! tvayā tatrabhavatyā sāvadhānayā bhavitavyam
vīcīvātaiḥ śīkarakṣodaśītairākarṣadbhiḥ padmakiñjalkagandhān
mohe mohe rāmabhadrasya jīvaṃ svairaṃ svairaṃ preritaistarpayeti