Uttararamacarita 3.3
Uttararāmacarita 3.3
- Language
- Sanskrit
3.3
tamasā-ucitameva dākṣiṇyaṃ snehasya | saṃjīvanopāyastu mūlata
eva rāmabhadrasya saṃnihitaḥ
muralā-kathamiva ?
tamasā-tatsarvaṃ śrūyatām-asti khalu vālmīkitapovanopakaṇṭhātparityajya nivṛtte sati lakṣmaṇe sītā devī prāptaprasavavedanamatiduḥkhasaṃvegādātmānaṃ gaṅgāpravāhe nikṣiptavatī | tadaiva tatra dārakadvayaṃ ca prasūtā
bhagavatībhyāṃ pṛthvībhāgīrathībhyāmapyubhābhyāmabhyupapannā rasātalaṃ ca nītā
stanyatyāgātpareṇa dārakadvayaṃ ca tasya prācetasasya maharṣergaṅgādevyā
samarpitaṃ svayam
muralā-(savismayam |)
īdṛśānāṃ vipāko'pi jāyate paramādbhutaḥ
yatropakaraṇībhāvamāyātyevaṃvidho janaḥ