Mitabhashini 2.10
Mitabhāṣiṇī 2.10
- Language
- Sanskrit
2.10
rājā—vayasya, kiṃ bahunā—
citre niveśya parikalpitasatvayogā
rūpoccayena manasā vidhinā kṛtā nu
strīratnasṛṣṭiraparā pratibhāti sā me
dhāturvi bhutvamanucintya vapuśca tasyā. || 8.
vidūṣaka—jai evvaṃ pañcādeso dāṇiṃ rūavadīṇaṃ [yadi
evaṃ pratyādeśa idānīṃ rūpavatīnām ]
rājā—idañca me manasi varttate
anāghrātaṃ puṣpaṃ kisalayamalūnaṃ kararuhair
anāviddhaṃ ratnaṃ madhu navamanāsvāditarasam
akhaṇḍaṃ puṇyānāṃ phalamiva ca tadrūpamanaghaṃ
na jāne bhoktāraṃ kamiha samupasthāsyati vidhiḥ
2.10.p1
vidūṣakaḥ-tena hi lahu parittāadū ṇaṃ bhavaṃ | mā kassavi
tavassiṇo iṅgudītellacikkaṇasīsamsa hatthe paḍissadi [ tena hi
laghu paritrāyatāmenāṃ bhavān | mā kasyāpi tapasvinaḥ iṅgudītailacikkaṇaśīrṣasya haste patiṣyati ]
rājā-paravatī khalu tatrabhavatī ! na ca sannihito'tra
gurujana
vidūṣakaḥ — atha bhavantaṃ antareṇa kīdaso se diṭṭhirāo
2.10.p2
[ atha bhavantam antareṇa kīdṛśa asyā dṛṣṭirāgaḥ ]
Linked texts (2)
- Devanāgarī recension — Sanskrit
- Sūktimuktāvalī — Jalhaṇa (Devagiri), Sanskrit