Vinavasavadatta 1.6
Vīṇāvāsavadatta 1.6
- Language
- Sanskrit
1.6
śāla—(vilokya) aye ! ayaṃ mahārājaḥ
sitaruciradukūlo nirgataḥ khelagāmī
narapatirupavāsaklāntadeho vimānāt
kanakagiriguhāntādgandhahastīva gauraḥ
pracuramadavisargātkiñcana kṣāmagātraḥ
1.6.p1
tataḥ praviśati rājā bharatarohakaśca
1.6.p2
rājā—sakhe bharatarohaka ! mayā sukhamiti vāsavadattāṃ dātumeṣa saṃśrito mārgaḥ
varapradānādapi duḥkhe punarmāmabhiyojitavān bhagavān bhavaḥ
bharata—svāmin ! śambhoḥ prasādāttadakṛcchreṇaiva sidhyati
rājā—tathāstu
bharata—deva ! upavāsaśrāntatayā na yuktamiha ciraṃ sthātum
1.6.p3
rājā āsanamārohati