Vinavasavadatta 2.11
Vīṇāvāsavadatta 2.11
- Language
- Sanskrit
2.11
cāraḥ—1pavisahma jamuṇākacchaṃ | ajja ! didviyā cau(ttha)mbhāavaśiṭṭe diase
saṃpattahma (parikramya) bhaṭṭa ! eso khu so vāraṇo adimuttaasāḷacchāāe ṭhido
rājā—sakhe ! ayamatra | eṣa hi—
samasitanakharāntaḥ kārmukākāravaṃśaḥ
suhanukaṭalāṭo dīrghapuccho dṛḍhāṃsaḥ
pṛthutaramukhakarṇo vyāyatāvṛttahasto
jalabharagurumeghaśyāmapūrvocchritāṅgaḥ
2.11.p1
cāraḥ—2(ātmagatam) dāṇiṃ phuḷāmi via | (prakāśam) muhuttaaṃ tinduacchāāe vissamissam
2.11.p2
niṣkrāntaḥ
2.11.p3
rājā—(aśvādavaruhya) bhṛṅgārakastāvat
ceṭaḥ— (praviśya bhṛṅgārakahastaḥ) 3jedu bhaṭṭā ! eso āṇīdo
rājā—(ācamya) aupagāyaka ! ghoṣavatīmānaya
aupagā—4bhaṭṭa ! esā ghosavadī
rājā—(pragṛhya vīṇāṃ mūrcchayati)
ceṭaḥ—'ahaṃ dāṇiṃ tahiṃ evva uvavisissam
2.11.p4
niṣkrāntaḥ
2.11.p5
rājā—(ātmagatam) kiṃ nu khalu kṣīṇo me bāhuḥ ? vepate me savyaṃ cakṣuḥ
aupagā—2haddhi ! paḍipuvvaṃ (paḍimuhaṃ ?) kaṇṇaarutte (runtuaṃ?) vāaso kūjai
bahucorāṇaṃ āvāsaṃ khu idaṃ vaṇagahaṇam ; kiṃ ṇu hu bhave !
2.11.p6
tataḥ praviśati corasenāpatiḥ khaḍgahastaśceṭaśca
2.11.p7
coraḥ—aho nu khalu rājñāṃ prabhāvo nāma ! vatsarājo vanamidaṃ praviṣṭavāniti
śrutamātreṇaiva bhinno naḥ saṅghātaḥ
2.11.p8
ubhau parikrāmataḥ