Vinavasavadatta 2.8
Vīṇāvāsavadatta 2.8
- Language
- Sanskrit
2.8
viṣṇu-hastibandhanaṃ kṛtvaiva nanu gantavyam
rāja- na yuktaḥ sātiśaye vastuni kālātikramaḥ | sāmasādhyatvādvajapateḥ
kopakāraṇaṃ ca mahābaladarśanam
vidū-2bho kiṃ puṇa kādavvam ?
rājā - sakhe, viṣṇutrāta ! ahamenaṃ gṛhītvā sāyaṃ saptaparṇavedikādvāre vāsārthamāgamiṣyāmi | tvaṃ tu punaḥkṣīṇavyādhitavṛddhaninditagajān dantādhikān dhenukān
bālān garbhavatīrvilakṣaṇatamāñśvetādivarṇādhikān
prāptaiśvaryasukhāṃśca vāraṇavarāṃstyaktvā praśastān gajān
baddhvaiva vraja sādhanaiḥ parivṛtastatraiva vastuṃ sakhe
2.8.p1
viṣṇu-yadājñāpayati devaḥ
cāraḥ-^1bhaṭṭa ! kāḷāikkameṇa aḷiavādī via bhaṭṭhiṇo samīve bhavissam
rājā-bhadra ! bahuśo dṛṣṭapratyayaṃ nanu te vacaḥ !
cāraḥ-^2ado evva mae bhaṇīyadi
rājā-sundarapāṭalastāvat
aśvabandhakaḥ-(praviśya) ^3bhaṭṭa ! eso sundarapāṭalo
rājā-ānaya(ityaśvamāruhya) viṣṇutrāta ! gaccha tvam | kātyāyanamiśrānagrataḥ kuru
viṣṇu-yadājñāpayati devaḥ | kaṣṭaṃ bhoḥ !
nṛpāḥ prabhutvātpratiṣedhavāmā
jihyo vidhistadvaśavarti kāryam
sācivyato nāparamasti puṃsāṃ
viṣādaduḥkhāyaśasāṃ nidānam
2.8.p2
niṣkrāntaḥ
2.8.p3
cāraḥ-^4"jai vaccharāo sasāhaṇo āgacchadi tadā tuvaṃ paḷāia āgaccha"
iti ayyasāḷaṃkāyaṇeṇa | uttam eso dāṇiṃ balam ujjria ṇiggado ;
savvadā siddhaṃ kajjam
rājā-ghoṣavatī tāvat
aupagāyakaḥ- (praviśya ghoṣavatīhastaḥ) 1jedu bhaṭṭā ! eso hmi
rājā—tvaṃ madanupadamāgaccha
aupagā--2 bhaṭṭa ! taha
vidū- 3bho ! eso kaccāyaṇo viṃsadisatteṇa baḷeṇa parivudo aggado gado
ahaṃ dāṇiṃ tue evva saha gamissam
rājā-vayasya ! śīghramasmābhirgantavyam | atastvaṃ viṣṇutrātena saha gaccha
vidū-4bho ! tue evva ahaṃ āacchāmi
rājā-vayasya ! tiṣṭha tvam | mama khalu prāṇaiḥ śāpitaḥ
vidū-5eso hmi | gaccha tuvaṃ viaāa
2.8.p4
niṣkrāntaḥ
2.8.p5
cāraḥ- 6 bhaṭṭa ! ṇa dāṇiṃ cirāidvvam
rājā-bhadra ! tvamagrato bhūtvā mārgamādeśaya
cāraḥ- 7taha | ido ido
2.8.p6
sarve parikrāmanti