Rupakashatka 13.6

13.6

śiṣyaḥ—( saharṣāścaryamiva ) kadhaṃ muhuṃttametteṇyeva jaravimukko vva uajjhāo lakkhīadi³
jñāna0—( svagatam ) bahughānubhūtasadyaskaphalo'yaṃ mantraḥ | pratyāsannaścāyaṃ
viṣaviṣamaśīlaḥ śiṣyaḥ | tadevaṃ tāvat | ( prakāśama ) vatsa kauṇḍinya ! kṛto
mantraprayogaḥ | tadidānīṃ jvaravijayinīṃ bhagavato'bhyarcaṃnāṃ cikīrṣāmi | tadānīyantāṃ vividhavarṇasaurabhyavaibhavāni kusumāni
śiṣyaḥ—jaṃ uajjhāo āṇavedi | ( iti niṣkramya svagatam ) jāṇidaṃ
ṇyeva maye uajjhāo tā kiṃ me kusumehiṃ | edaṃ ṇyeva caladalatarusiharaṃ āruhia ṇirūpami savvaṃ4 | ( iti tathā karoti )
jñāna0—( puro'valokya saharṣam ) ahaha ! phalitaṃ mantraprabhāvena yadiyaṃ
gṛhītakusumatāmbūlādiprābhṛtakā kapaṭakelirmadanasundarīdūtye'tra samāgacchati
(tataḥ praviśati yathānirdiṣṭā kapaṭakeliḥ | kapaṭakeliḥ jñānarāśeragrataḥ prābhṛtakamupanīya sākūtaṃ vihasya savrīḍamupaviśati)
jñāna0—(sagarvaharṣam) ayi bhadre ! adhigataṃ tadvastu ?
kapaṭa0—(sotkaṇṭham) suhaa ! taṃ laddhaṃ gadaṃ vatthu | hiaaṃ uṇa maha
tae haridaṃ tā tumaṃ yyeva maha saraṇaṃ 1
jñāna0—(svagatam) āḥ kimetat ! | kimiyaṃ madirārasonnidritasmaravikārātiśayā ? | tatkimatrottaraṃ bhavati ? abhimatrena tāvadviniyojayāmi
(prakāśam) bhadre ! api kalyāṇinī tava sutā madanasundarī
kapaṭa0—(serṣyām) ṇa hu ṇa hu sudā me, bahiṇiā khu sā | ahaṃ uṇa
tumhārisavilāsijaṇapasāeṇa suhidā pihulattaṇaṃ pattā kaṇiṣṭhā vi aṇṇārisī muṇijjāmi 2
jñāna0—(svagataṃ sopahāsam) aho ! dhāṣṭaryaṃ vṛddhāyāḥ | athavā yujyata
evaitat
vātotphullatayā nayanti samatāṃ nimnau kapolau muhustuṅgatvārthinathaṃ vahanti kucayorvakṣaḥsthalollāsanaiḥ
putrībhyo'pi kaniṣṭhatāṃ prakaṭayantyācchādya keśān sitāṃstāruṇyābhinayagrahaḥ pariṇatau kopyeṣa duryogitām