Rupakashatka 7.18
Rūpakaṣaṭka 7.18
- Language
- Sanskrit
7.18
indraḥ—(svagataṃ saharṣam)
diṣṭyā raudrarasavāsitamānaso haraḥ saṃvṛttaḥ| sādhu nārada ! sādhu | pāradosi vipatpārāvārasya
nāradaḥ—(pārśvamavalokya) ayi kuṇṭhakuliśa sahasrākṣa ! kinna vijñapayati bhavān ?
indraḥ—(sakhedaṃ niḥśvasya) ayi mahāmune ! kimahamapahasanīyo vijñapayāmi ?| tathāhi—
kāṭhinyaṃ kuliśādapetya hṛdaye satrāsamāvāsitaṃ
sadyo yanna vidīryate vidhuritaṃ durdetyadarpodayaiḥ
eko'pyasti na me vilocanabhavaścakṣuḥsahasraṃ tanau
nūnaṃ citramidaṃ hṛtaṃ mama yaśo yatpaśyataḥ śatrubhiḥ