Shukasaptati 3.2.2

3.2.2

tatrāgatya dvārapālakānabravīt| vayaṃ saurāṣṭrasomanāthayātrāyai gatvā mārge tīrthaviśeṣānālokamānāḥ
10 samāgatāḥ| adya tu bhṛśaṃ pariśrāntāḥ| aparato gantuṃ na prabhavāmaḥ| tarhi adyatanaṃ divasamatraiva nivasāmaḥ| prabhātasamaye purogamanāya mārgamupalabhyamavalambāmahe| ityabhidhāya tatraiva sthitavatī| tatasteṣāṃ
pañcatāṃ tatraiva gomayopalepanaṃ nirmāya niramāyi tathā devārcanaṃ devatāvanejanaṃ kṛtvā dhūpadīpanaivedyāni
vidhāya daṇḍavatpraṇipatya saṃnidhāyinīṃ śunīṃ samapūjayatsamastopahāranamaskārādinā| taccaritaṃ sarve
'pyabhivīkṣya visikhire| itthaṃ pratidinaṃ tatrāvasthāya śunīsaparyāṃ vidhāyānte daṇḍavatpraṇipātanādikaṃ
15 karoti| tāṃ vārttā śaśiprabhā śuśrāva| tatastatkautukālokanāya ekasmindivase śaśiprabhā tatrājuḍhaukata
tadanu taccaritaṃ yaśodāmapṛcchat| kaiṣā śunī| etadvṛttāntaṃ mahyamāvedayatu bhavatī| tato 'syāḥ prajñānugrahaṃ
dṛṣṭvā yaśodayā netre aśruḥpūrṇī akāriṣātām| avādi ca| śaśiprabhe kasmādetatpṛcchasi| etatsvarūpe
'bhihite tavāpi garīyān bhramo bhaviṣyati| tayā tathābhihite sati śaśiprabhā tatprajñāvabodhāyayāgrahaṃ
bhūyāṃsamakarot| tatastadāyahatāratamyamālokya yaśodā tadvaktavyāya viviktapradeśamayācata
20 yato 'bhihitam
āyurvittaṃ gṛhacchidraṃ rahasyaṃ mantramaithune
pāyurdhvaniṃ cāvamānaṃ matimānna prakāśayet
ityabhidhāya rahasi vaktuṃ pravṛttā| śṛṇu śaśiprabhe| pūrvamahamiyaṃ tvaṃ ca śunī ceti tisraḥ sodaryyaḥ
svasāra ekasya vaṇijo niketane vartāmahe| iti satyahaṃ vyabhicāraparāyaṇā nijecchayā pravṛttā| yaṃ tu