Vikramarkacaritra 1.18

1.18

iti
atrāntare suptotthitaṃ rājakumāraṃ bhallūkaḥ prāha — 'bho rājakumāra ! ahaṃ nidrāṃ
gamiṣyāmi | tvamatrāpramattastiṣṭha' iti | rājakumāraḥ 'tathā bhavatu' ityāha
tato bhallūko rājaputrasamīpe nidrāmavāpa | tadā vyāghraḥ prāha — 'rājakumāra
tvamasminviśvāsaṃ mā kuru | yato'yaṃ bhallūkaścañcalacitto dṛśyate | tato'sya
prasādo'pi bhayaṅkaraḥ | tathā cocyate —
kṣaṇe tuṣṭāḥ kṣaṇe ruṣṭāḥ vituṣṭāśca kṣaṇāntare
avyavasthitacittānāṃ prasādo'pi bhayaṃkaraḥ