Vikramarkacaritra 6.1-6

6.1-6

ityāśiṣaṃ kṛtvā 'rājannahaṃ mahādāridryapīḍito bahuputrapautrādikuṭumbaḥ kuṭumbabharaṇāsamartho gaṅgāṃ praviśya prāṇāṃstyakṣyāmīti samāgato'smi | daivādya
bhavānmama dṛṣṭigocarībhūtaḥ | ataḥ kṛtārthīkṛtārthisārtho bhavānmāmapi dāridryanivāraṇena kṛtārthayitumarhasi' iti prārthayāmāsa | tacchrutvā rājā tānyaṣṭau
ratnāni tasmai dadau | so'pi vipro ratnāni gṛhītvā rājānaṃ stutvā svapuraṃ
jagāma | rājāpyujjayinīmagamat | ” iti sālabhañjikayā kathitāṃ kathāṃ niśamya bhojarājastādṛśaṃ dhairyamaudāryaṃ cātmanyapaśyaṃstūṣṇīṃ nyavartata
ityekaviṃśamupākhyānam
atha dvāviṃśamupākhyānam
bhūyo'pi kadāciddhārānagarīdhūrvahe viśvambharādhināthe siṃhāsanaṃ samāroḍhuṃ
sasambhramaṃ samāgate sālabhañjikāparā vihasantī jagāda | bho rājañśrūyatām -
“vikramādityo rājyaṃ kurvannekadā pṛthvīparyaṭanārthaṃ nirgatya nānādevālayapuṇyatīrthaparvatādikaṃ dṛṣṭvā kadācinmahāratnamayaprākāraparivṛtamabhraṃlihaprāsādopaśobhitamanekaśaṅkarirālayapavitritaṃ nagaramekamagamat | tatra ca bhagavato nārāyaṇaṇasya darśanārthaṃ tadālayaṃ gatvā tatrasthasarovare snātvā bhagavantaṃ nārāyaṇaṃ
paramotsāhasamullāsitābhyāṃ protphullanālanadalasahodarābhyāṃ locanābhyāṃ samavalokya,
nārāyaṇāya nalināyatalocanāya
nāmāvaśeṣitamahābalijaivabhāya
nānācarācaravidhāyakajanmadeśanābhīpuṭāya puruṣāya namaḥ parasmai