Vikramarkacaritra 6.2-4

6.2-4

iti
ataḥ, itaḥ paramapivā tvaṃ madīyamupadeśamanusṛtya svacchandavṛttiṃ parityajya
yadi vidyāmabhyasyasi tadā tava śreyo bhavet | ahamapi tvayā kṛtārtho bhaveyam' iti | itthaṃ pitṛvacanaṃ samākarṇya paścāttāpasantapto'nargalaḥ 'yatra
kutrāpi deśe vidyāmabhyasya jñānaṃ saṃpādya pitṛmukhamavalokayiṣye' iti niścitya deśāntaraṃ jagāma | tatra kasyacidācāryasya kṛpayā sarvāṇi śāstrāṇyadhītya samutpannajñāno nijaṃnagaraṃ pratyāgacchanmārge madhye'raṇyaṃ kamapi devālayamapaśyat | tatsamīpe ca padmaṣaṇḍamaṇḍitaṃ cakravākamithunālaṃkṛtamativimalodakaṃ kiṃcitsarovaramadrākṣīt | tasya caikadeśe'tisantaptamudakamadṛśyata
tacca dṛṣṭvānargalaḥ 'kimetat ?' iti manasi vicintayaṃstatropaviveśa | tataḥ
sūryo'stamagāt | ardharātre ca taptodakamadhyādaṣṭau divyastriyo nirjagmuḥ
nirgatya ca devālayaṃ gatvā devasyāvāhanādīnṣoḍaśopacārānkṛtvā vṛttagītādibhirdevamatoṣayan | tato devaḥ prasanno bhūtvā tābhyaḥ prasādamayacchat | etatsarvamanargalaḥ paśyanprabhātasamaye nirgamanavelāyāṃ tābhirvyaloki | tadā tāsāṃmekā jagāda - 'bhoḥ saumya, ehi | asmannagaraṃ gamiṣyāmaḥ' iti | so'pi 'bāḍham' iti tābhiḥ saha gacchaṃstaptodakamadhyaṃ praviṣṭāmu tāsu svayaṃ
bhayādapasṛtya svanagaramāgatya pitṛpramukhānsarvānbandhūnapaśyat | paredyuśca rājadarśanārthaṃ gatvā rājānaṃ praṇamyopaviveśa | tadā rājā sakutūhalaṃ tamapṛcchat'bho anargala, etāvantaṃ kālaṃ kutra nyavātsīḥ ? iti | anargalaḥ pratyavadat - 'vidyābhyāsārthaṃ deśāntare kālamanayam' iti | rājā punarapṛcchat 'deśāntare kiṃ kimapūrvaṃ tvayā dṛṣṭam ?' iti | tato'nargalastatsodakavṛttāntamakathayat | tacchrutvā rājā tena saha tatsthānaṃ gatavān | sūryaścāstaṃ jagāma | ardharātrasamaye ca tā divyastriyastasodakamadhyānrirgatya devasamīpaṃ gatvā pūjāṃ vidhāya nṛttagītādinā devaṃ prasādya tatprasādaṃ ca samavāpya
prabhāte nyavartanta | tadānīṃ tāsāṃ madhye kācidaṅganā rājānaṃ dṛṣṭvā samavadat -
'bhoḥ saumya, ehi | asmannagaraṃ gacchāmaḥ' iti | tacchrutvā rājā tā anujagāma | tāḥ sarvāḥ taptodakāntaḥ praviśya pātāle nijanagaraṃ jagmuḥ | rājāpi dhairyamavalambyautsukyāttaptodakaṃ praviśya sahaiva tābhirjagāma | tatastā
mahāsattvaṃ tamavalokya vismitāḥ procuḥ - 'bho mahādhīra ko bhavān ?'
iti | vikramaḥ prāha - 'ahamujjayinīpatiḥ | etatkutūhalaṃ draṣṭuṃ bhavatībhiśca samāhūtaḥ samāgato'smi' iti | tatastāḥ procuḥ - 'bho mahāsattva
vayaṃ prasannāḥ smaḥ | varaṃ vṛṇīṣva' iti | rājā 'bhavatyaḥ kāḥ ?' iti papraccha
tāśca 'vayamaṣṭa mahāsiddhayaḥ' iti pratyūcuḥ | rājā 'tarhi mahyamaṣṭau siddhīrdiśata' iti prārthayata | tatastā rājñe'ṣṭau ratnāni daduḥ | so'pi tānyaṣṭasiddhiyuktāni ratnāni gṛhītvā taptodakānnirgatya svanagaramājagāma | tāvanmārge kaścidbrāhmaṇaḥ samāgatya,
utpanno nābhikamale hareryarutuḍānanaḥ
sa pātu satataṃ yuṣmānvedānāṃmarthaparāgaḥ